nasod nako

Talikdan ko ikaw aron tugyanan
sa kabilin nakong kahidlaw.

Bisan asa puniton ang gagilak nga kinatumyan
sa bangaw, kab-oton gihapon nako ug hupta’g
hugot ang tinigom nga mga sensiyo sa buta.
Gikan gapalimos sa simbahan sa Sto. Rosario,
gasagirit iyang sungkod, gaduslit sa mga abog
sa Sanciangco hangtod mahayagan siya’g kalit
sa kampat nga halok sa gilamok nga borikat.

Atubangon ko bisan mamikat ka
nga magdumili sa atong gilay-on.


-- MICHAEL U. OBENIETA
Topeka, Kansas, USA