(hubad sa Inenglis ni Linda Owens
gikan sa balak ni Joko Pinurbo)
Niabot ta sa lawom nga gabii.
Nasunog ang kama
ug ang dilaab, nga nikatap
sa tibuok lawak
padayon sa pagdahunog.
Diha sa pagkalumpag sa damgo
ug pagkagun-ob sa panahon
napaig ug naugdaw ang atong mga lawas,
samtang gihimo kini sa kalayo
nga aso ug abo.
Kitang duha usa ka parisan nga mga minatay
buot mogunit sa usa’g usa sa kahangtoran
ug matulog nga malinawon
sa gakos sa kama.
-- MICHAEL U. OBENIETA
Topeka, Kansas, USA
No comments:
Post a Comment