kaibog

Dunay punoan sa kapayas ang among silingan.
Naghuot ang dagkong bunga, ug nanghinog

ang akong kaibog.

Miagi ko sa tungod, naghangad sa pamasin
nga duna'y mapuwak samtang gakangkang

ang akong kamot.

Katam-is itikang apan apan wa'y hakhak nga

makamangan samtang gakapyot, gahunghong
ang akong tanlag:

"Ayaw panghilabot, dili ikaw ang nagtanom ana."
Nipiyong na lang ko, dayo'g sutoy bisa'g gauga

ang akong dila.


-- RODELIO BARELLANO
Caloocan City, Philippines