6.04.2009

pagbiya sa pier tres
















Niining taknaa
Bitayon ang adlaw
Ug lumsan.

6:30 sa hapon.

Gisamaran sa fastcraft ang dagat
Samtang hinayhinay nangahagbong
Ang mga pinong dagom— nanusok
Sa mga lantsa, roro, ug sa akong
Ulo ug bukobuko.

Gitulod sa mga bawod palayo
Ang imong pulong bahin sa pagbalik.
Ug ikaw, uban sa imong maleta,
Gihatod sa akong panan-aw
Ngadto sa panganod.

Ingon ining taknaa, niining dapita
Natilawan pod nako ang dagat
Nga nibanaw sa akong ngabil.


-- NEILE GENICA MIJARES
Cebu City, Philippines
at

2 comments:

  1. BalitawJune 4, 2009 at 7:40 PM

    wow! genica ha! kalisod mo nang abton:)sayunan ka bitayon ang adlaw ug lumsan, as in..."unya gisamaran ang dagat sa fastcraft. gihatod palayo ang pulong bahin sa pagbalik"
    tsk...hanip!

    ReplyDelete
  2. Neile Genica MijaresJune 8, 2009 at 7:36 AM

    miss cands! uli na diri sa pinas. anhi ta mangaon ug instant noodles samtang naghigop sa atong mga pulong.

    salamat kaayu sa tanan.

    ReplyDelete