paglabang sa sapa

Molabang ako ning sapa
Nga mao ray akong kuyog
Kining sungkod kong kawayan.
Sa tagatuhod nga tubig
Mabati ko ang pagbitad
Sa sulog sa ilalom sa tubig.
Sa ibabaw, ang mga panganod
Mitadlas sa bughaw’ng langit.
Sa mga dahon, hinay ang kanaas
Sa lumalabay’ng hangin.
Molabang ako ning sapa
Gikan sa tampi sa pag-inusara
Ngadto sa pikas tampi sa pag-inusara.

-- URIAS A. ALMAGRO
New Berlin, Wisconsin, USA