dagit

Dagiton ko kaha
ang imong katuigan
ug hagpaton ko
ang mga tinipakang
gutlo sa imong mga pahiyom
diin didto ikaw gawasnong
mitikang padu'ng
sa imong gihangop
ug gisilongan nga suok

unya
ihimugso
ang maong mga
tuig pag-usab
aron didto

sa kinatumyan
mag-abot
ang atong kagahapon
magkinuptanay
mangambak
palayo
sa halapad nga bung-aw

-- GINA MANTUA-PANES

Cebu City, Philippines