Ganahan unta ko mangutana
sa kahimtang sa imong panyo.
Nabantayan man gyod nako'ng
hanas ka sa pagpanarapo.
Dali kaayo ka madani
sa mga lalaki'ng nag-antos,
unya hinay-hinayon nimo'g trapo
ang ilang kasubo hangtod kini
mahanaw sa hingpit ug motapot,
mopilit sa imong panyo.
Ganahan unta ko mangutana
kay bisan ba, Veronica, sa imong
kanunay panglimpyo sa ilang
ga kasakit, basin nakalimot na ka
nga kana diay imohang' panyo
angay pod bayang' labhan, paughan.
-- JONA B. BERING
Tuburan, Cebu, Philippines
hello jona,
ReplyDeletedili lang promising
kon dili
brandishing na jud
imong mga mugna...
pwedeng i contemporary nato
ning panyo ni
veronica?
haw abawot.... labakara?
o tualya?
o bandana na lang kaha?
draft pa man ni judge, kay ako man sang tan-awon ang gipangsuggest ni sir myke. bitaw no? ang panyo, lady-like ra kaayo. salamat sa suggestion, judge :D
ReplyDeletebitaw jona
ReplyDeletekeep on writing... kulang kaayo tag mga babaye nga sama nimog talent...
maayo untag managhan ka na..
(literally ha ha )
Ok ra nako ang panyo, ug ok ra pod nga may pagka lady like, kay gawas nga babaye si Veronica, kay maayo man sad nga dunay signal nga babaye ang nagsuwat sa balak.
ReplyDeletesalamat, ma'am ester. :D
ReplyDelete