10.18.2009

ang sugarol ug ang kawatan
















Ang tinuod nga sugarol
Dili mahadlok
Nga mapildi.
Ang tinuod nga kawatan
Dili mahadlok
Nga hidakpan.
Kay didto niadtong gutlo
Sa pagsugal,
Niadtong gutlo
Sa pagpangawat,
Didto nila mabati
Ang ilang hingpit nga katumanan.
Dili na unya
Sa gutlo
Sa pag-ihap ug pagluklok
Sa nahibiling puhonan.
O sa gutlo
Pagtan-aw
Sa mga kamot nga giposasan.


-- URIAS A. ALMAGRO
New Berlin, Wisconsin, USA
at

5 comments:

  1. rsbOctober 18, 2009 at 7:56 AM

    bilib ko sa pagkahan-ay
    morag
    isosceles triangle.

    salamat

    ReplyDelete
  2. alig-igOctober 18, 2009 at 7:14 PM

    Uyon ko nimo, Bay Ric. Kining balaka hugot pas bukton sa dalagang bag-ohay lang namukol. Kudos, Doc U.

    Ang kombinasyon sa sugarol ug kawatan naa sa nangabit--ug dili ko na lang klarohon kon sa unsang gutloa niya mabati ang kinapungkayan sa iyang katumanan. ;)

    ReplyDelete
  3. m.u.o.October 18, 2009 at 9:49 PM

    Nyor Ury, pahalipay sa ika-200 nimong balak sa Kabisdak. Hangtod sa sunod nimong tampo. Ayo-ayo!

    MykeO

    ReplyDelete
  4. KrisOctober 25, 2009 at 2:17 AM

    This comment has been removed by the author.

    ReplyDelete
  5. MNovember 23, 2009 at 5:18 AM

    companero,

    balak
    hitchcock

    kulbahinam
    natagamtam

    -mananambalak

    ReplyDelete