11.13.2009

diin gikan kining kaanindot?
















Wa ko kahibawo diin gikan
Kining kanindot nga akong gibati,
Gikan ba kaha kini
Sa akong ginhawaan nga gipukaw
Sa lain-laing mga lamas ug panakot,
O sa akong buko-buko kansang mga pako
Gituboan og bag-ong balhibo,
O sa akong pus-on sa mga gabiing
Walay kukatulog,
O sa akong utok nga gisugniban
Sa kasidlak sa mga puting bukid sa Himalaya?
Kining kaanindot nga dulot ug lawom.
Nga nakapaduda nako kon ako mao ba ako gihapon
Kining gisanapan sa sedang kalipay,
Kining gihagwaan sa mga anghel,
Angay ba ko niining pagbati
O kalibotan nga mainusabon?


-- ESTER TAPIA
Kathmandu, Nepal
at

6 comments:

  1. rsbNovember 14, 2009 at 5:46 PM

    hello ester,

    nindot ang imong balak. pati ako nakapangutana usad.

    diin ba gikan kining pagkaalimuot?

    (init man god kaayo diri sa pilipinas)

    nag-unsa ka man diha sa nepal?

    ReplyDelete
  2. MNovember 22, 2009 at 8:38 AM

    gikan sa pus-on
    sa kaadlawon
    kanunayng gahandom
    giurom sa nahanawng
    kabatan-on

    -mananambalak

    ReplyDelete
  3. esterNovember 30, 2009 at 4:33 AM

    Hi rsb,

    Nagsugod ko ug trabaho diri sa kathmandu city bag-o lang gyod. Ang akong bana may kontrata diri sukad sa Hulyo karong tuiga. Nindot ang Nepal, tugnaw kaayo karon sa kathmandu, pero sa ting-init, sa pag-abot namo, mora sad ug Pilipinas...Lahi lang kaayo ang ilang kultura. Salamat sa imong mga comments sa akong balak. Maayo untag makasuwat pa ko ug daghan pa diri sa Nepal. Sigi, ayo-ayo.

    ReplyDelete
  4. esterNovember 30, 2009 at 4:38 AM

    Dear M,

    Hay, kabatan-on, lahi ra gyod kaayo no?... Nindot ning kabisdak kay mabasahan sad tag apil sa mga batid kaayong magbabalak sa Sinebuano.

    ReplyDelete
  5. MNovember 30, 2009 at 3:18 PM

    ester,

    kita rang edara. Nagkauban kami ni Wigberto Fuentebella (higaladagang ni Merlie Alunan) didto sa Silliman University Writers' Workshop 1969 chaired by Drs. Edilberto & Edith Tiempo.

    We are now in our sunset years.

    -Mel

    ReplyDelete
  6. rsbDecember 2, 2009 at 6:42 PM

    dear ester,

    maayo unta og magpadayon ka sa pagsulat.

    dili ba good nindot tan-awon ang
    sunset

    years?

    ReplyDelete