ang lamok

Ang gamay’ng lamok
nga nagsakdopsakdop
sa mga balhibo ug panit
ning akong bukton,
nagsakdopsakdop sa utlanan
sa kinabuhi ug kamatayon.
Sa usa ka pamilok,
siya motugdon, motusok ug mosuyop
sa akong dugo. Ug ang pula’ng
mga gihay sa gamay’ng bulak
sa iyang kinabuhi mobuklad.
Unya sa sunod nga pamilok,
sa paghagtik
sa akong kamot
nga kaniya modapat,
mapusgay
kadto’ng mga pula’ng gihay
ug siya mahulog. Ingon niana
Ang lagpak nga nagagikan
Sa kamot sa kamatayon.


-- URIAS A. ALMAGRO
New Berlin, Wisconsin, U.S.A