mecum omnes plangeti

dili gyod ko motuo ini
lisod tunlon kining salin
sa pista sa patay nga dila

dili gani molingi ini bisan
ang mga ilagang pawot

ang ilang talinis nga ikog
sumpay sa tanang puya
nga mga pulong nga gahuot

diha sa mga basurahan
natingban sa mga laylay

labyog sa pisi nga luag
sa kahilom sa mga inahan
gadiwalwal sa kagutom


-- MICHAEL U. OBENIETA
Topeka, Kansas, USA