pagkatapos sa operasyon sa katarata

A.
Klaro nang irokon mga kuto
sa buhok ning kinabuhi

B.
Sa kalit mga bulok sa kinaiyahan
lunsayng giladlad sa kanbas
sa kalimutaw sa kahimatngon

C.
Sa kinailadman sa dagaming
uhotlukot saksaksinagol
nahawaning dagom
dali rang palgon

D.
Kanunayng kadulog katanday
namatikdan namatud-an
labing maanyag malulot
humot presko seksi
kini mas lami importante


-- MELQUIADITO M. ALLEGO
Palm Harbor, Florida, USA