2.13.2010

sa atong abotanan
















Dinhi
Sa atong abotanan
Nibalik ko
Sa atong tugas
Nga lingkoranan
Nga gitagiptipan
Sa imong mga buladas
Kanhi.
Pasagdi
Nga hulaton ko
Ang mga laylay
Sa imong balak
Dinhi ning landong.
Buot ko untang
Magpaanod pag-usab,
Magpailad
Sa mga gitik-gitik
Sa imong mga tinagsip.
Dinhi ko
Suwayan pagtultol
Ang hinuyop
Sa imong mga garay—
Dakpon, hangpon
Ug huptan ugma
Kon magdag-om na
Ang panumdoman.


-- GINA MANTUA-PANES
Cebu City, Philippines
at

9 comments:

  1. MFebruary 14, 2010 at 3:53 AM

    gina,

    very poignant.
    makapakuan sa dili pa unta.
    any lover should read this.
    mobalik ang hinagawhaw sa kagahapon
    sa tagboanan.
    napukaw ang nahitagpilaw nga samad
    ning kasingkasing gumikan sa tuis
    sa kapalaran: Di ta palad nga magkadayon...
    -mananambalak

    ReplyDelete
  2. rsbFebruary 14, 2010 at 6:46 AM

    sus, kong true love na gani,
    di bale na
    kon gipuyok lang,

    bahala na,
    basta lami.

    ReplyDelete
  3. ginamantua-panesMarch 22, 2010 at 1:31 AM

    mananambalak,

    hahahaha.
    salamat sa imong pagkakuan tungod sa balak. hahahaha. thanks for taking time

    ReplyDelete
  4. MMarch 23, 2010 at 8:27 AM

    gina,

    gipangutana ko si kevin lagunda bahin
    kanimo niadtong enero 30 atol sa bathalad award ceremony & annual convention & workshop. unta moapil ka
    sa bathalad. ako ug si companero ury
    almagro na-impressed ug nabihag kanimo uban nilang jona bering ug neile genica mijares. sa among panahon sa 1960's, si annie mata de pio ray babayeng magbabalak.

    -mananambalak

    ReplyDelete
  5. ginamantua-panesMarch 23, 2010 at 6:33 PM

    nyor mel,
    nakatambong ko sa bathalad niadto pang 2006 sa may mj cuenco ba to.ampay gihapon na nako.wa lang ko'y update kanunay kung asa ug kanus-a. I would appreciate it if you send me word every time a gathering comes.Mao niy akong kinaham bisag bisi sa trabaho.

    Mao ni akong email ad mantua_03@yahoo.ca

    salamat sa panahon ug pang-agni.

    Gina

    ReplyDelete
  6. MMarch 23, 2010 at 10:05 PM

    Gina,

    Ig-unsa man nimo si Dr. Fe Mantua Ruiz?
    Pahibaw-on tika sa mga aktibidades
    sa Bathalad.

    -mananambalak

    ReplyDelete
  7. ginamantua-panesMarch 24, 2010 at 1:54 AM

    Ingnon talang nga distant relative mi. We already agreed that we really are. hahaha Bitaw, wa lang gyud magkakita among pamilya kay my family left Leyte even before I was born. We spoke about it only once long time ago.

    Salamat sa imbitasyon. Hulaton lang nako kung kanus-a.

    ReplyDelete
  8. MMarch 24, 2010 at 6:50 AM

    Gina,
    Salamat.Minghalin na ngadto sa
    pikas lawak sa laing kalibotan si Fe.
    Trato siya sa akong amigo, Dr. Art
    Pamaong sa medical students pa sila.
    Wa magkadayon kay di nila palad. Nagbudhi ang kapalaran. Kayha, ang ilang tagboanan maoy inyong abotanan
    (imong uyab unya mister).
    akong e-mail adres: drmallego@aol.com

    -nyorMelgibson

    ReplyDelete
  9. ginamantua-panesMarch 24, 2010 at 8:26 AM

    nyor mel,

    pagka-gamay sa kalibutan.wa ko magdahum nga suod diay kamo kaniadto. hasta love life murag updated pud ka. salamat nyor. you never know how bits of memories of her makes me feel nostalgic pud gamay bisag di mi suod.

    bitaw dugay nang nipahulay si mam fe.

    salamat,

    gina

    ReplyDelete