nagabhian ang kagabhion

nagpid-okpid-ok ang lampara sa kilumkilom
ang manginginhas nakigkulukabildo sa nagdukang balirong
ang taksi drayber nagpasensilyog balak sa bathalad cafe
o turtle’s nest sa taluktok sa empire state building
pipila ka milyas taliwala sa bahiya sa tampa
si nang utak nangurok sa mga manok didto sa timbakol
sawumsom nang nanuktok ka ning amorsikong kasingkasing

nganong naglangaylangay ka


-- MELQUIADITO M. ALLEGO
Palm Harbor, Florida, USA