agnostik

Di modawat adunay labawng makagagahom
Kay way naluwas
Sa nahagsang ayroplano

Kon adunay makalingkawas
Human sa linog urakan bagyo
Lunop tsunami baha tornado

Sunog hulaw pandemik
Nagkalidades katalagman
Mopasumbingay kayha adunay magbubuot

Unsang klaseha pagkalinalang?
Unsang matanga pagkamananap?
Way landong ni aninong nahitaligam-an.


-- MELQUIADITO M. ALLEGO
Palm Harbor, Florida, USA