sa baybayon

pipila ka dahon
nangahulog sa punoan sa pitogo

init na ang hangin gikan
sa Sta. Catalina

lubog kaayo ang dagat
sa sayong kabuntagon

kusog kaayo ang ulan
sa miaging gabii

nagbaha na usab sa Diwan
nahinangop ang baba sa bukana

daghan ang moabot
mga siwil mga binhi mga sagbot

namantsahan ang dagat
sa lama sa tanang bukidnon

ang taga Suba nanugsok
sa mga pulak

dinhi miturok sa akong hunahuna
ang bag-ong binhi kinabuhi


-- RIC S. BASTASA
Katipunan, Zamboanga del Norte, Philippines