“I am not a jukebox.”
-- Noynoy Aquino
Ay, ang jukebox sa politika!
Puno sa mga huni.
Apan mao ray magsubli-subli
Ang tugtog sa daang mga plaka.
Kinsa may nagsigi paglunod
Og mga sensiyo sa iyang lusat?
Magpadayon ang kagahob
Sa sum-ol nga mga tingog.
Ug magpadayon usab
Ang hugpong tang pagpugong
Sa atong gininhawa-- pagpaabot
Nga mao nay molanog
Ang tuno nga wa pa nato hidunggi.
-- URIAS A. ALMAGRO
New Berlin, Wisconsin, USA
mao gyod
ReplyDeletekanus-a pa kaha
mohulog sa sinsilyo
ang magpatugtog
sa musika sa masa?
sa gihapon nag balik balik ra ang kinaiya sa mga nagdumala, nawong o dagway lang ang nailisan..salamat sa paambit mo niini higala..
ReplyDelete