Sa gabii, ang sunoy nag-inusara
sa iyang batoganan. Lahi sa iyang adlaw
nga gikalas uban sa mga himungaan.
Sayo kaayo siya’ng momata. Mokapakapa,
daw sa pag-anunsyo na nakabuhi na siya
gikan sa higot sa mga damgo.
Ug unya sa iyang pagtuktogaok
iyang gibuksan ang ganghaan sa kaadlawon.
-- URIAS A. ALMAGRO
New Berlin, Wisconsin, USA
nakabuhi na siya sa tangkal
ReplyDeletesa mga damgo
ang iyang tuktugaok
nanuktok
sa tugpahanan sa naghagok
unya mikapakapang kaadlawon gatintal
kanimo pagtimbakuwas
human makighilawas
sa kahiamgo
-mananambalak