gikataw-an mo lang ang pagtikig sa akong liog
samtang nag-aso nga gisubay sa akong mga mata
ang habog nimo nga lawas. mabati mo na siguro
ang kanaas sa pagaspas sa mga naghadla-hadla
nga mga langgam o ang hungihong
sa nagpanon nga mga panganod. apan ayaw baya
patuya'g buhakhak diha, sud-ipan ka. kay bisag
ingon kapino sa hulmigas ako sa tan-aw mo,
ang akong panglantaw
sangko sa bangaw
-- IOANNES P. ARONG
Lapu-Lapu, Cebu, Philippines
No comments:
Post a Comment