2.27.2011

akong lungsod


(Dalaguete, Cebu)

Ang layog nga punoan sa dalakit nagpadayon pagbuntawog
ibabaw sa tubigan
sa Obong.
Ang naghubo ug nagsul-ob nga mga lumad
ug mga dumoduaw magpadayon pag-ambak
sa bugnaw’ng tubig.
Ang dagat magbanosbanos paghunas ug pagtaob.
Ug ang akong lungsod,
kansang ngalan kinutlo daw usa ka dahon
niadtong dako’ng punoan,
magpabilin sa iyang pagkabuhi
ug magpadayon pagpatubo sa iyang mga dahon.
Bisan kon tua pa ako o wa na ako
didto.


-- URIAS A. ALMAGRO
New Berlin, Wisconsin, USA
at

3 comments:

  1. Chloe IversonFebruary 28, 2011 at 3:07 AM

    This comment has been removed by a blog administrator.

    ReplyDelete
  2. rsbMarch 1, 2011 at 4:28 PM

    maayo pa ka
    nakatag-iya og lungsod.

    ReplyDelete
  3. MMarch 12, 2011 at 10:21 AM

    ang kugihang tumitindok ug lumad
    sa lungsod panag-iyahon nga sumbanang
    anak sa lungsod.
    puwede sang panag-iyahon niya
    ang lungsod (not in a literal sense):
    Dalaguete, akong lungsod (natawhan);
    ang akong lungsod Tuburan.
    Taga Tuburan o Dalaguete bisan pag
    ilubong sa laing dapit sa kalibotan.

    Bay Ric, imong lungsod and Katipunan,
    dili ba?

    -mananambalak

    ReplyDelete