hubad sa duha ka mubong balak ni Olav Hauge

Karong Adlawa Nakakita Ako

Karong adlawa nakakita ako
og duha ka bulan,
usa nga bag-o
ug usa nga daan.
May dako akong pagtuo sa bag-ong bulan.
Apan tingali baya og kadto mao lang ang daan.

Usa Ka Pulong

Usa ka pulong—
usa ka bato
sa ngamig nga sapa.
Usa pa ka dugang nga bato—
magkinahanglan ako og daghang mga bato
kon buot man akong makalabang.

Gihubad ni:
-- URIAS A. ALMAGRO
New Berlin, Wisconsin, USA