2.13.2011

surprisa


Kandilaon og mga tudlo ang akong uyab.
Ang iyang buhok, sinapid--
Daw pising gitugot sa naglutaw kong sakayan.
Ang iyang suwang, manggahon.

Ang iyang lawas,
Sama kakurbada sa dalan sa Barili.
Ang iyang batiis, tul-id, bus-ok, hamis,
Ug sama kaputi sa singkamas ni Nang Linda sa eskina.

Kanunay ko maglupad matag naa siya sa akong tupad.
Matag higayon nga siya mopahiyom,
Ang iyang kandiis daw mohigop nako
Ngadto sa wanang nga kanunay nakong dumdomon.

Karong Pebrero 14, isurprisa ko siya.
Kay hangtod karon, wala pa siya masayod
Sa among panag-uyab.


-- GREG A. FERNANDEZ
Muscat, Sultanate of Oman
at

3 comments:

  1. rsbFebruary 13, 2011 at 2:56 AM

    mao nay giingon og
    the girl doesn't knows....

    ReplyDelete
  2. UnknownFebruary 13, 2011 at 8:16 PM

    makapahiyom ang bilyakong ending
    dili ko maihap ang gipangangkon
    kong mga trato kaniadto.
    Greg maoy magbabalak
    sa Kabisdak
    sa Enero ug Pebrero

    ReplyDelete
  3. MFebruary 17, 2011 at 3:45 PM

    makapahiyom ang bilyakong ending
    dili ko maihap ang gipangangkon
    kong mga trato kaniadto.
    Greg maoy magbabalak
    sa Kabisdak
    sa Enero ug Pebrero.

    -mananambalak

    ReplyDelete