3.23.2011

panginhas sa taobon


(kang Nyor Mel, sa iyang adlawng natawhan)

Maayo gani kay gitunolan ko nimo’g
Gapnod sarang kaabyan
Maayo gani kay gihatagan ko nimo’g
Piniling kinhason, masinawng kinhason
Aron ingnon nga ako, kunohay,
Kumagat nang manginhas.

Abi ko man kadto'g halayo kaayo ang
Lapyahan, ug halayo ang padulngan
Ug ang tungdonon sa unahang payaw—
Mao lay mga balod sa katugnaw.

Sa witik sa imong pulong
Ang dagat mora'g andam magpaulipon.


-- OMAR KHALID
Medellin, Cebu, Philippines
at

5 comments:

  1. m.u.o.March 23, 2011 at 7:35 AM

    Happy Birthday, Nyor Mel! Gikan sa imong e-mail, kining soneto ni F.CIELO AGANORIO usa ka pagtagay ni Omar Khalid duyog sa iyang balak:


    Sukad sa imong pagkahimugso
    Niining lunhaw nga kalibotan.
    Nagsubay na sa ugat ug dugo
    Ang nagdilaab mong salabotan.

    Saysentay-siyete nga katuigan
    Ang gihalad mo sa imong dagang.
    Mga pamalak nga dinuyogan
    Alang sa batan-on o tigulang!

    Bisan kadiyot lang nga panahon
    Kitang duha nagkulukabildo,
    Ang imong dahon ug akong dahon
    Sa usa ka sanga nag-umido.

    O Amahan sa Modernong Pamalak,
    Dawata ang akong balak-alak!

    ReplyDelete
  2. MMarch 23, 2011 at 8:54 AM

    Dear Myke, Richel & Cheeno,

    Daghang salamat kaayo.
    King kasingkasing gabuhagay
    Sa dili matukib kalipay
    Ginoo naa kaninyo.

    -NyorMel

    ReplyDelete
  3. Archimedia LabsMarch 23, 2011 at 11:29 PM

    maayong adlawng natawhan, nyor mel! tagay pa!

    ReplyDelete
  4. Litoux CamusMarch 23, 2011 at 11:35 PM

    maayong adlawng natawhan diha kanimo nyor mel! to your health! salud! - erik (in behalf of the nomads)

    ReplyDelete
  5. MMarch 24, 2011 at 7:12 AM

    erik & nomads & archim,

    salamat sa adlaw-natawhang panghinaot
    resulta: morag nabatan-on daw napotot

    ania ako sa salagbao
    nagyarok alak sa mga damgo


    -nyormel

    ReplyDelete