human sa memorial day: una ko moambak sa bag-ong twin towers

kortinahan og bandira ang kahitas-an

kawhaton ug tuktokon ang langit
mananghid ni san pedro
ug samtang gatiurok pagliyubaw
paingon sa ubos bung-aw
hapiton pagkutlo ang mga biyoos
sa dagasangang alimpatakan
unya habason ang mga teroristang
dimahikap dimakita dimabati dimalumsan

sa pagkahagsa sa napulpog kamatuoran


-- MELQUIADITO M. ALLEGO
Palm Harbor, Florida, USA