kahapsay nunot sa kagubot

Kay nanghuy-ab ang iring paw't
gikan gipahimuslan ang nahabiling dukot—

usa ka makadig-ab nga tagbaw
gikan sa nabahaw nga alimungaw—

may damgo'ng dayag gisala
gikan sa katag nga hunahuna:

Katahom midimdim sa samin
nunot sa limbong, gapabilin.

Unya, ang pagtuhop sa yuta
Ug pagdailos nunot sa dakong baha:

ang kahapsay nunot sa kagubot.
Kahilom mihangop sa kangiob

paghapak sa dugdog.


-- GENALYN G. OMAPAS
Cebu City, Philippines