gikan nanginhas ang tiguwang ulay

magkurog siya sa katugnaw samtang manghunaw

ug maaninaw sa tubig ang gakalapok nga gasa gikan sa hunasan
ug motaob ang kaldero nga dunay layag nga aso gapasutoy
ug mahupas ang kahaw-ang sa tiyan inig awas sa panaksan
ug molapaw ang singot nga gisawsawan sa parat nga huyohoy
ug magpaanod dayon sa lantay subay sa lawod lahos sa daman

magkurog siya nga matugaw sa ihi nga magbanaw


-- MICHAEL U. OBENIETA
Topeka, Kansas, USA