akong nasayran nga
ang kamingaw sama ra
sa usa ka itoy.
Moabot kini nga sama sa
pinaskohang wala pangayoa.
Manghagwa kini kanimo,
kanunay magsunodsunod,
sa mga panahong ikaw
duawon sa pagkaluya daw
gasa gikan sa kangitngit.
Sa madugay, mamaak lang kini
sa walay igong hinungdan
ug mahimong makamatay
kon dili maatiman
ang pahit
sa pagpatagad.
Sa tumoy sa wanang dihay batan-on
nga nisyagit sa pikas pangpang,
“Gihigugma tika! Pauli na!”
Nialingawngaw ang kahilom.
-- ERIK E. TUBAN
Sibulan, Negros Oriental,
Philippines
No comments:
Post a Comment