labaw sa alimungaw

Palihog hatagi ko, Haring Adlaw,
og dugang pa nga kaigmat

sa buta: Gapaminaw sa gitas-on sa uwang sa iro sumpay sa uwag sa iring

samtang nanghuy-ab ang mananabtan didto sa kapilya diin gihadla-hadla

sa hangin ang mga kandila ug madunggan ang gigutom nga tyabaw sa

masuso. Bisan dag-om, dayag

daw atngal ang gasiwil nga buwan.

-- MICHAEL U. OBENIETA

Topeka, Kansas, USA