badlis

Sama sa langob nga ngitngit, dili matugkad

sa akong panan-aw ang gilawmon niadtong

gisubli nimo paghandom. Molungtad kaha

ang imong tanghaga nga sama sa unang uha

sa bata? Ang tubod sa akong pagtuo lagbas

sa bato, ug bisan dili na masubay ang luha,

tultolon gihapon ko sa ulan nga gaagay-ay

og sapa-sapa ilawom sa imong lawak diin

ang bintana bantang sa langob nga dag-om.

(alang sa akong Amahan)

-- DENNIS S. SARMIENTO

Maryland, USA