Pamuniton nako ang mga pulang rosas
nga gihalad sa pantiyon
ni Kupido.
Dukdokon nako matag gihay niini
ug isagol sa dinner sa managhigugmaay.
Iyawat na lang matambalan
ilang atik-atik.
Kadtong nagpabiling mga tunok
sa punoan, hagpaton nako
matag lusok ug isabwag dayon
sa karsada-- himuong pasuyak
sa mga sakyanan paingon didto
sa Sogo Motel aron mabangga sila
lahos sa menteryo
ug tanan nilang mga bakak
malubong didto.
--
JIN GARCIANO
Camotes,
Cebu, Philippines
No comments:
Post a Comment