ang habagatan

                                                                                                                                                        Nga gikan sa imong pantaw nakasud-ong ako

sa karaang mga bituon,

gikan sa sandayan sa anino nakasud-ong

niadtong gisabod nga kahayag

nga sa akong kaburong wala ko hisayri

ang mga pangalan o tukmang puwesto sa kalangitan,

nga nakaalinggat sa hagawhaw sa tubig

sa tangke nga tinagoan,

sa alimyon sa hasmin ug antuwanga,

sa kahilom sa nahikatulog nga langgam,

sa arko sa agianan, sa tun-og

—kining mga butanga, kaha, mao ang balak.

(gikan sa Kinatsila ni Jorge Luis Borges)

-- VICENTE VIVENCIO BANDILLO

Manila, Philippines