trato-trato

taod-taod na pod ta

nga sakay niining gamay nga bangka

nagbugsay-bugsay

ug ako gihangak na gyod

bisan ganahan pa lagi ko makaagi

sa maanindot nga talan-awon

tadlas sa lawod diin

ingon nila kulbaan gyod ta

sa kalawom

apan ikaw walay sama kataslakan

punay man hinuon nagbugsay

padulong didto sa hunasan

hay dili gyod ta maisbog busa tabi

pangupot diha og maayo

kay mosawom na lang ko

--TEA SOLON

Cebu City, Philippines