hiniktan

(alang kang Pa Digos)

Gamay siya'g bulsa. Kon natan-aw pa niya ang kaugalingon,

lagmit napuling pod siya sa iyang muta. Usahay, dili niya

masabtan ang hangin, nihapuhap sa iyang dughan.

Niduol niya bisan ang manok igtatari, gatuo tingali nga

kurukok ang iyang pangagho. Kinsa na kaha’y mohapyod

sa tapay? Kausa, diha’y higayon didto sa gaalisngaw
nga tuboran sa Camiguin diin gisubli niya pag-ingon

nga dili na siya mobalik. Wala kuno siya magpakabuhi

aron mobiya. Ug ang iyang gibilin nga hiniktan--

wa pa’y buot-- gatuka gihapon bisan sa iyang tahod.

-- DENNIS S. SARMIENTO

Maryland, USA