takig

Kabugnaw
Sa akong mga lutahan.

Dugay nang wala mag-alindasay

Sa matag hagsa sa

Ritmo sa garay…

Kon mahimo pa lang,

Gitukmod ko na palayo

Ang kabugnaw nga galiyok-liyok

Sa nangamig nakong alimpu’.

Kanus-a pa kaha

Mopuli ang dilaab

Sa gakuray na nakong mga laray

Aron unya, sa pagkabanhaw,

Modagayday na usab

Ang dugay nang

Nabagtok nga

salimuang?

-- GINA MANTUA-PANES
Cebu City, Philippines