nganong duna'y tunok ang dan-ag sa dughan

midungaw ka

sa akong bintana

nakig-indig ka
sa lamdag nga bulan

gianinag mo ang kalinaw

ug kaaghop sa akong katulogon

mibangon ko
buot moabi-abi kanimo

mitiklop ka sama

sa usa ka udlot sa rosa

gitukob ko sa kangitngit
apan wala na ako matingala

kining tunok sa akong dughan
ugma managhan

-- RIC S. BASTASA

Katipunan, Zamboanga del Norte, Philippines