kamingaw

Kon ang kamingaw molakra sa atong panit,

basin ingon ini ang mga kunot,  dili lahi

sa mga mga balod samtang ang hunahuna

labaw pa sa lawod

ug ang kabtangan ug katawhan—lakip

ang mga dapit nga galutaw sa katin-aw

sa paghandom, gadasok pagtidlom

sa dughan—mao ang pikas

isla nga dili matultolan sa paghinuktok

kay ang kamingaw dili malabang bisan

sa gilay-on sa atong tinutokan.

-- JESSREL E. GILBUENA

Bantayan, Cebu, Philippines