pangilin ni san francisco, ika-4 sa oktubre

Dili ba kaha bula

ang atong mga pulong

sa atong paghingalan

kang Francisco nga patron sa kinaiyahan

kon sa atong pagsaulog sa iyang pangilin

kinabuhi sa mananap gihunosan?

Dili ba kaha saplag sa baba

ang pagpaugat nato sa Awit sa mga Binuhat ni Francisco

kon human sa pag-apas sa mga nota

nga labihang taasa

atong gibayaw sa lamesa

ang naglubog nga inasal

nga mopatagbaw sa gahalhal natong kagutom?

Dili ba kaha sama lang ta sa nagbitik sa hangin…

Bisag unsaon nato’g laang ang langit

nga moduol sa lit-ag sa atong mga pagdayeg,

ang tanan magpabilin lamang sa pag-ung-ong

sa atong mga pulong.

-- JON R. SAGUBAN

Iligan City, Philippines