Ang tanang pulong sa pagbati
Pugson ko kini pagpadayag pinaagi
Sa mga dila sa hangin hangtod
Hangpon sa baybayon
Ang kinatam-isan nga pahiyom
Lukop sa dili nako ikasugilon,
Ug hatdan ka sa kinatahoman
Nga panugon nga unta ikulit
Sa hangin diha sa imong dunggan
Aron sa matag takna lunlon
Mga hunghong lang sa dughan
Mao’y imong mabatian taliwala
Niining akong inamang nga
Pagpangita sa imong lapyahan.
-- GILBERT INTERVALO, JR.
Bais City, Negros Oriental, Philippines
No comments:
Post a Comment