estrella

Kining gihalad kanimo

labaw pa sa mga titik

nga mapatik sa panid.

Karon, igo ra nako

ang paglantaw diha

sa kalangitan. Asa

ang gilak nga angay

itandi kanimo? Wala

ikabutyag. Sa kahiladman

duna'y usa ka lawak.

Gakang-a ang pultahan.

Sa lamisa duol sa bintana,

imo unyang mapalgan

ang wanang sa papel,

gidan-agan sa kandila hangtod 

masamin ang imong 

kaugalingon sa bintana

taliwala sa kabituonan.

kang Millefeuille Erin Casing

-- TON DAPOSALA

Cagayan de Oro City, Philippines