Napugwat ko, kalit
napukaw ang akong tunob nga natidlom
sa sapa diin nanghilam-os ang gakurog
nga dagway sa buwan. Asa ka
padulong, nihunghong ang huyohoy.
Sa akong pagbalik, nalanay
ang akong anino ug napalgan nako:
galutaw ang akong lantay padulong
sa pikas isla. Gabawod ang kabukiran
nga gitugaw sa ihalas nga uha sa
unahan. Unya, magtukaw ko paghabwa
sa akong kalimutaw.
-- MICHAEL U. OBENIETA
Topeka, Kansas, USA
No comments:
Post a Comment