Tingali angay nakong basulon
ang hangin nga ningtayhop
sa akong tingkoy kaganihang
naglakaw ko padu'ng sa atoa.
O di ba kaha, ang dakong sanga
sa kaymitong imong tinanom
nga karon nagbabag nas da'n,
o kaha ang siloy nga ningkapa-kapa
aron mangatagak ang katugnaw
nga nangumpayot sa iyang balahibo.
O di ba kaha, ang salibong nakaipsot
sa bungbong natong amakan
aron, sa makausa pa,
habulan ko sa kamingaw
-- JONA BRANZUELA BERING
Tuboran, Cebu, Philippines
No comments:
Post a Comment