si Hudas ngadto kang Kristo kapin sa duha ka libo ka tuig ang milabay

Wisiki intawon ko 

Sa imong pasaylo, pastilan,

Bisan na la’g sama pa ka 

Daginoton sa usa ka lugas 

Nga mumho. Kay bisa'g ikaw 

Mikayab na, ania ako

Padayon pa sa pagsukarap

Sa kinalawmang kamingaw.

Sala ko ba diay kon 

Sa sinugdanan pa lang

Gitakda ko sa langit, gisangpit

Nga mabudhion? Di pa ba diay 

Sarang nga gaaso-aso

Ang akong anino, gidangdang 

Hangtod sa dayon nga

Dilaab? Hangtod karon, 

Lakip ba diay sa dili maugdaw 

Ang akong ngalan, balik-

Balikon og balikas samtang 

Gabukal ang dugo sa kabugnaw?

-- GINA MANTUA-PANES

Cebu City, Philippines