kon ako usa ka bituon

Kon ako usa pa ka bitoon

buot unta nako nga masiplatan

sa takna nga dawaton 

sa kahayag ang panamilit 

sa kangitngit. 

Bisan tuod dili magdugay

mahanaw ra gihapon inig 

sabwag sa adlaw, dawaton ko 

gihapon sa kinasingkasing 

nga pagpaubos,

ug pagsunod sa kaalam 

sa sidlakan nga kanunay

gapadayon bisan mapalong 

sa higayon nga motugyan 

sa kaugalingon.

-- JONDY M. ARPILLEDA

Davao City, Philippines