Kaayo unta kon wala ka palupig
sa katapol ug sa imong garbo
nga nangalisbo og bagulbol,
ug unta giantos nimo
ang laay nga paghuwat
sa mga lakang sa orasan.
Imoha untang maangkon karon
ang higayon nga makahunghong
og usa ka pangandoy
samtang ang kahilom daw nadani
sa namukhad nga pahiyom
sa dama de noche.
-- JONDY M. ARPILLEDA
Davao City, Philippines
No comments:
Post a Comment