Kining nagumon
sa ginhawaan-- gilain
ang mapuslan, gilimpiyohan
sama sa pagsabon
ug pagkumot og dahon sa labana
o di ba kaha ubod sa linghod nga saging
ug unya pino-pinohon
ang maanyag nga mga pulong:
ukay-ukayon uban ang lamas
sa mga pagbati hangtod mohumok,
moalisngaw ang kahumot,
tagamtamon ang kalami
ug saw-an sa kaliwatan.
-- JON R. SAGUBAN
Iligan City, Philippines
No comments:
Post a Comment