mga bitin sa kaulohan

Kay duol nang mahuman ang akong kampilan,
samtang sayo pa, dagan kon ikaw ang sad-an!
Ugaling lang kay kining akong pinulongan,
Nasayod ko nga dili mo gayod masabtan.
Apan gituyo ni aron di ka kabantay,
Kamo man kaha ang hawod nga mamirahay? 

Kay dili mabadbad ang akong gitagkos nga talunay

Igo ra silang nagbinutbot, igo rang nagpasikalay.

Kay dili nila makalot, ang gitanom nakong kamuti
Lamolamo dayon, pakaaron-ingnong wa kabantay lagi.

Apan sila nga nakakita ug sila nga nakadungog
Nailhan gyod ang mga bitin nga busog ug tulog.

Hiay! Ugma puhon inig kahuman og salsal sa kampilan,
Way daghang sulti, pangtadtaron nato silang tanan.

-- ANIJUN MUDAN-UDAN 

Malaybalay, Bukidnon, Philippines