Lisod magpakabuhi kon nasayod na ka
nga sa di madugay mahiusa imong lawas sa yuta.
Wa ba ka mahibung nganong sige pa ka
og paningkamot nga makaginhawa?
Lisod magpakamatay kon si Kamatayon
wa'y kalibotan nga nabuhi diay ka
og pipila ka tuig nga imo nang gikalimtan
og ihap kay nasayod na ka sa imong padulngan.
Lisod magpakamatay kon si Kamatayon
way kalibotan nga ikaw diay tong naningkamot
makaginhawa bisan ang ilong gaping-ot.
Mandaue City, Cebu, Philippines
No comments:
Post a Comment