pahela falgun

namiyuos ug nanalingsing na ang kinaiyahan

ang yuta nga naughan sa tingtugnaw

nabanhaw na 

tan-awa ang migimaw nga mga gihay

shimul polash krisnachura

isul-ot ang mga sapot ninyo

nga lugom pula ug lalag

binulakang mga sari ug panjabi

mag-ambahan kita sa pagsaulog

sa kalipay ug paglaom

sa bulak balak awit ug sayaw isuliyaw ta 

ang atong pagkabatan-on pag-usab

-- VICENTE VIVENCIO BANDILLO

Dhaka, Bangladesh