alang sa magbabalak

Tinuod.

Mao'y labing sakit nga panaw 

ang kalit natong pagkahanaw.

Mohunong ang tanan:

kapay-kapay sa mga dahon,

lakdop sa mga pako

sa lansiyang nga mohaguros

matag hapon gawas sa bintana,

lagubo sa segundo

sa duha ka gagmayng orasan 

nga imo kanunayng giatubangan

sa lamesa kon mangawhat ka'g balak.

Apan, mas molabaw pa kaha kana

ning maong kamatuoran?

Buhi ka apan dugay 

nang mitaliwan

sa handomana'g

handurawan.

-- NOEL P. TUAZON

Bingag, Dauis, Bohol, Philippines