mga kisaw sa lipat-lipat nga kamingaw

mitabon sa bungtod 

ang mga gabon ug

nahanaw ang panon 

sa mga kanaway

gipaabot nato 

ang paghupas sa gabon

apan wala na usab 

ang mga kanaway

gihandom nato ang dagat

apan wala didto ang gabon

sa patag nga wala ang gabon

gihandom ta ang bukid

sa bukid gihandom ta

ang dagat ug ang mga isda

ug sa pag-abot sa mga tulabong

gihandom nato ang mga kabaw

-- RIC S. BASTASA

Katipunan, Zamboanga del Norte, Philippines